ابطيت ياللي متعب القلب فرقاك

ابطيت ياللي متعب القلب فرقاك.

ابطيت يالولٍ بجوفي تلالا.

وين انت عن قلبن شغوف وتحراك.

طالت وشوق القلب جمرٍ تصالا.

راح العمر وأنا ادعي الله نلقاك.

مثل العقيم اللي رجا الله عيالا.

نار الغلا والشوق شبت بطرياك.

اشعلتها بين الضلوع النحالا.

عجل ترى قلبي مع الحب ينخاك.

كل المشاعر لك بكل ابتهالا.

هد انتظارك سور ودك ولاماك.

والصبر مات ولا قويت احتمالا.

ما تدري اني معطي القلب يمناك.

وبشوفتك كل المشاعر ثمالا.

عنقود ودك والغلا بقلب يهواك.

شفها بمعلاق المودة تدالا.

يا غايبه وليا متى وانتي هناك؟

ابغى الإجابة يوم جاك السؤالا.

أما تزور القلب وألقاك واهناك.

والا طلبتك عن خفوقي تسالا.