يبن آدم..
أيامك محطة شوگ
ضحچة وصِل تتنطر
يلن كل العمر لجلك
صفه انواعير للعنبر
اغار عليك من روحي
يالغيرتك طين اسمر
مسافة ذكرياتي عيون
لا تغمض ولا تسهر
شما تكبر
مشاتل طيفك بروحي
التعب يكبر
تحذّر
والليالي السود
تبغض ذيب يتحذر
يالطيفك اشراع
ايعت سفينة نوح
للمعبر
يتيمه الروح
وبشهكة نبي يعگوب تتعثر
لياليَّك مشاعل طيف
يتمرجح سناها بطيف
يالضحكتك مزنة صيف
غرگانه ابّواچي الهم
نجماتك عصرها الليل
وذرّاها رماد لدنيةَ ابنادم
احديثات المحله اشموس
مخنوگه بهلال الدم
وتمثال الوكت حوّاف
حتى من النسيم اليمر
يتلثم
يبنادم
يبنادم
يرغمك وكتك ايخليك
عالصعبات تتعلم
تحذر من صديچ اللي
الك يكرم عسل بي سم
تحذر من طبيب اللي
يداويك ويبوگ الدم
تحذر لو اسد لا گالك
وايكشر انيابه
والك يتبسم
تحذر بعد يبنادم
دنيانه
دواها الحذر يبنادم
دنيانه دواها الحذر يبنادم