أبغى اتعصى امشي ولا اقوى يا عواد
ما بك من الثنتين وحده ياعواد
تنشد لنا ركب نكيف ياعواد
مسومل من عقب أهل مي مبهوت
هو يبس عوده أو بقى به ندايه
يا طول ما هب الهوى به ندايه
علمي بظلي حسر به ندايه
تفرش لهن امسنجف الزل بتخوت
ما انسى عشية عجت أنا به وضيفه
وانسف لخرجي فوق راكه واضيفه
قالت مهاة ذا الرجل له وظيفه
ووصت لدايتها تماليه بسكوت
جتني تسلم خلف الاطناب واقفت
منها السلام تحية يوم وقفت
لما وضح مني لها العرف واقفت
قالت لها وش عند خاطرك يا قوت
قالت غريب غشيه الليل مدلي
ظامي رمى دلوه على ماك مدلي
واظن هذا المستهام ابن مدلي
من لابة تحجي ولا هوب شحتوت
قالت حرام ما دهجنا ومر عل
هالنزل قصده غير ماي ومر عل
ظامي حشاه فمن عرفني ومر عل
بيت خليّ ما ورانا به بيوت
وبقيت به طرب بالاحباب ما سل
عن لذة الكندي على ماي ماسل
حيث الهوى ماصول والغضي ما سل
سيوف صده والوصل غير مبتوت
ينضا البراقع عن لما فيه مردل
ماي الحياة وبين أشافيه مردل