جا جعود وصارخن بالزين يا محلا حلاه
قال في ضحكه وغرور اني لكم اجمل هديه
مال في خصره كما غصنن تهيجن في سلاه
مع هبوب الريح ياللي في خجلها جت نديه
غشمريه ليا جلست مجلاس يا ويلي كلاه
لذة الجادل وهي تحكي سوالفها شقيه
معمعت كل البنات بهالدلع جاهن بلاه
يوم غير في معايير الدلع في عنجهيه
وانتهى قلبي بها عاشق ومفتونن تلاه
حبها المولع وصارت في خفوقي لي هويه
سلت ضلوعي بشوقن ما يفارق في غلاه
طيفها اللي كل لحظه يبرق بصبح ومسيه
كل تاجن في معالي الذوق يا ويلي علاه
يا فديت أمها وأبوها ترفع الراس بحميه
والحزن لا من دخل قلبي حبيبي جا جلاه
والزمن ذا وين تلقى للخوي جنبه خويه؟
سِر معلاقي هنوفك سَره الخافق صلاه
في حميم الشوق وقليبي انحنى لك في تحيه