ياللي تململ نومتك ذوق ودلع
قوم وتغنج بالمياصه يا قمر
واروي شفاتي يا غلا ريقي انبلع
يا بو شفاتن ريقها حلو البحر
لبيه يا من في تِمغطها انسمع
صوت الأنوثه والدلع دق الخطر
والنور بعيونك وهي تفتح طلع
وانفاس صبحك في معاليقي سحر
شوقي على دافي حضونك بي طمع
يجمع بزولك والغلا بضمك عصر
مشغول بفتونك وانا قلبي قرع
صوت الخفوق اللي بنبضاته جهر
يا ويل حالي لا غنج مال ولذع
قال العثل واهوا العسل ورد وزهَر
تبغى الجلاكسي والحلا يا هو نبع
من بين ثغرك والعسل فيه انخمر
زود الترف نومه يفكه لا طبع
محبوبه البوسه على خدن حمر
تغمزْ خدوده لي ومنها ما شبع
شوقي وتوقي وانشب وما في مفر
مغرورتي قالت هنا ربي بدع
لبيه يا هي حلوها هز البشر
يا زينها ربي عطاها وما منع
ساقت على قلبي السحايب والمطر