وين صندوق الكتب
والطوابع
عندي رسالة بدم القلب مطبوعة
قلت للمحبوب في وقايع
وشرحت له كيف كان الحب ووقوعه
والمجالس والمجامع
بين هذيك المرايع
أيام ما كانت الأحباب مجموعة
شوق في قلبي ولوعة
لي بغى نفسه علينا مقاطع
حتى الكتب والرسائل منه مقطوعة
اشترانا أمس وأمسى يبايع
والحب ما هو بضاعة سوق مبيوعة
قاتل الله المطامع
والمصالح والمنافع
تنسب إلى الحب بأشياء غير مشروعة
شوق في قلبي ولوعة
راجعوه إن كان عاد تراجع
وإن شي غلط بيننا الغلطات مرجوعه
خبرواه إيه السبب والدوافع
نفسه إلى الصد والهجران مدفوعه
ما معي له أي شافع
غير شوقي والمدامع
أسبلتها قبل يسبل خلي إدموعه
وشوق في قلبي ولوعة
كم بلغني فيه من هرج لاذع
منه الحشاء تلتهم والكبد ملذوعة
بس أنا ملقي عطب في المسامع
وكلمة الناس عندي غير مسموعة
آه من هرج الشوارع
ما يجيب إلا الشنكاع
هذي شروعي وله شيمته وشروعه