الي نفع والي وضع قدر للناس
ومن مد للمحتاج شيمة كفوفه
ذولا ولو اعداي ارفع بهم راس
والمدح فيهم مب نفاق وكلوفه
لا والله افزع دونهم وقت الادماس
والطيب الوافي نقدر ظروفه
اما ابن آدم صابه بضيقه اعماس
لو هو قبال العين والله ما اشوفه
لا صار ما يثني بقطعات الانفاس
وش فايدة زوله بمقدم صفوفه؟
مثله مثل ظلٍ على الشمس له راس
وان دلهمت ما شفت بارز كتوفه
والا مثل شوف الدخان يجلب اعماس
لو كان صوب الغيم نلمح زلوفه
ومن لا دحم هيجا على قب الافراس
وكاد توخذ قبل روحه عطوفه
المسألة ماهي بني عم يا ناس
ويا كم قريب بفعل يده هدوفه
المسالة بالطيب رفعه ونوماس
وحنا نحوف الطيب مليون حوفه