حِب الورد
حِب الرمل
أحرص عِشك
ربى ديوك
إوعاك تسبح تحت الموج
وإوعاك مرة تعيش مملوك
وإن حبك للورد يضرك؟
إنسى الورد شويه ودوغرى
إزرع كل جناينك شوك
عيش إنسان عَزم
ع المَرَده وع الجان
أشتاتاً أشتاتا
ياموالى
اشتاتا اشتاتا
ياملوك
وأما تلاقى الجان حواليك
لف معاه الدايرة وفوت
قول
توت...توت
إنتوا ورانا بالنبوت
وإحنا وراكوا سونامى.. يشوط
إزرع كل جنا ينك شوك
ريحه الورد في زمن الورد
والله الورد له وقت يجود
إتغلبت يا ورد معانا
لما البُعدا شفطوا هوانا
مبقاش فاضل من أزهارك إلا الشوك
حافظ ع اللي باقيلك منه وأبدر...شوك
أبدر شوك
لأجل ما إيد الباطل تقطف وردك شوك
أزرع شوك
لأجل ما تملك مره زمامك
أزرع شوك
لأجل تشوف على طول أزهارك
أزرع شوك
لأجل الخوف ما يجافى منامك
أزرع شوك
أحرص عشك
ربى ديوك
إوعاك مرة تعيش مملوك
ازرع كل جنا ينك شوك