زهور العشب في اسمك نغم يعزف على اشجان
وفيه الهام للشاعر اذا حس ب ظمى عذوبه
يسلي طاغي الاحساس لَ حس بضيقه وكتمان
غياب الملهمه خلاه يشوف الاسم محبوبه
عشان يبوح ب المكنون يفجّر أروع القيفان
وتطير أشعار ينظمها مع النسمات وهبوبه
هذيك اللي احبّه كنت يمكن من عصر هامان
إلى هالحين مع بكره احب اخطاءه وعيوبه
زهور العشب كانت لي وكانت مجمل الخلان
وراحت تاركه فيني بقايا اكبر ذنوبه
راحت تاركه فيني ديار وشعب واوطان
وشعورٍ فاخرٍ باسمه.. هداياها واسلوبه
راحت.. تاركه فيني ورود وزهر وجنان
تصبّحني وتمسّيني هذيك الغنج رعبوبه
شعور احتاج في وصفه يمكن بالعمر عامان
وبعد عامين من وصفه ماعنها بالغلا توبه