الوجود اللي يترجم مُفردات الانعدام
انعدَم بالمفرده ماعاد باقي له وجود
والليالِ عاتمه اسرابها جُنح الظلام
من عقب ذيك الغصون اليافعه زهر وورود
والخضار المِعشبَ اللي تخبره جَردٍ حطام
ماحظى من قربك إلّا هالقصايد والوعود
مابقى أرجو السموحه ماابوحه.. والسلام
كل شاعر لانظم محكوم باعراف وحدود
قلتها بيتين افض فض والملا كانوا نيام
ماني راجي من يجاري أو يعلّق بالردود
قلتها بيتين افض فض للسحابه والغمام
والقمر عزّب لنِا شمّرْ عن الردنَ الزنود
قلتها بيتين افض فض للقريحه والهيام
في شعور اللحظه اللي من شعوره لي تجود