الشعر كانه جنّ.. شوفه ركبني
يابدر اخط.. وفيه ماني بشاعر
ما ادري كتبته. او هو اللي كتبني
ما ادري ولكنّي كذا. جيت شاعر
مرّه ابوي وباقي الوقت ابني
إليا احترمته. ما احترمت المشاعر
لاجيت اشب النار شفته حطبني
دربه على دربي ولو كان واعر
يابدر بكرة فكرتي تنتخبني
إليا طلعت. تبهر جميع الاباعر
اسوقها بالحرف ولا جرّ غبني
كلابٍ على مجناي قامت تجاعر
يابدر عقل الليل يهدم ويبني
وجيته بشعرٍ ممتطي قاف آعر
يعني كذا للشعر جن.. وركبني
وانا ركبته.. بس ماهو بشاعر