جف صوتي يا غدير الشوق وانواري توارت
والظلام اطلق يدينه في زوايا ذكرياتي
ما بقى للعمر معنى دام الاحلام استخارت
والسنين الموغلة بالحزن تكتب لي وصاتي
وين اروح وكل فرحة دون ما ترتاح طارت
بالحياة اللي معك كانت تمثّل لي حياتي!
سيدة حزني إذا ابياتي من الحرمان ثارت
كيف اسمّعك القصيدة دامها ضاعت شفاتي!
في غيابي عنك اشوف الأرض باهل الأرض دارت
وانتي لحالك هنا متعلّقة في وسط ذاتي
صدقيني ما بقى دمعة محبة ما استجارت
بالطيوف اللي تمر احيان تجمع لي شتاتي
وان بغيتي الصدق كل الناس من عقبك توارت
ولا بقى لي غير حبك والقصيد وذكرياتي