صباح الخير
في كل ميدان
من التحرير إلى أسوان
وفي المنيا وفي الفيوم
وكفر الشيخ في أجمل يوم
والاسماعيليه أغلى مكان
صباح الخير في كل ميدان
صباح الخير يابهيه
ولادك قالوا حريه
في بور سعيد ووادي جديد
جنوب سينا وغربيه
وفي مطروح ردوا كمان
صباح الخير في كل ميدان
وشعب سوهاج خرج أفواج
ينادي بعيش وحريه
في غربيه وشرقيه
وفي دمياط كما الأمواج
وفي البحيره فجرك بان
صباح الخير في كل ميدان
ويوم عن يوم يبان أكتر
هنا الجيزه هنا الأقصر
هنا السويس وإيد في الإيد
هنا قنا وبور سعيد
يااسكندريه صباحك عيد
والأقصر فاتحه أحلى بيبان
صباح الخير في كل ميدان
صباح الخير في كل ميدان
من التحرير إلى أسوان
يقول أرواحنا ليكي فداء
يقول المجد للشهداء
يقول حريه للأوطان
ينادي بعزه للإنسان
يطالب مصر للمصري
وأما الدين فللديان
صباح الخير في كل ميدان
من التحرير إلى أسوان