العمر جمرة والمشيب الرمادة
لا ضاق صدرك مرضي الناس يرضيك
لا زاد عمري زاد حبك زيادة
وإلا أنت لامن زاد زاد الحلا فيك
والله مدري بس هذي شهادة
كن العمر يكبر جماله ويعطيك
صارت سنين العمر مثل القلادة
تاخذ من عيون القصايد وتهديك
هي ذكرياتك باقيه للسعادة
والا السعادة ذكرياتك وماضيك
ماهوب عاشق من تحقق مراده
لا فكه الله من جفاك وتغليك
يمكن فرح بك حظ تقليد عاده
لكن غلا والله مهو بمغليك
يامن بلاد الحزن صارت بلاده
ترى فرح غيرك يضرك ويبكيك
لو ينفع العاشق كثير اجتهاده
ما عاش مع هذي وهو ميت بذيك