غريب طبعك كيف معك أتأقلم
عجزت فيك بكل جمله وتفصيل
الحب مايصلح ومعناه مبهم
الحب ماهو فلم شاشه وتمثيل
مادام لا فاهم ولا نيب فاهم
ولا حصل مني ولا منك تعديل
أشرح حكاية حبنا لو تكرم
لا نبتدي ثم ننتهي دون تحصيل
جاوب سؤال معذبن، فيك مغرم
وألا تجاوب عنك سود مضاليل
خل الرموش أتقول عنك وأتكلم
حتى تعطل لهجت القول والقيل
أرخ الهدب لاترفعه فوق!..سلهم
وافهق سؤاد الليل عن نجمه سهيل
برمج حياتي في عيونك ونظم
اللي بقا من رحلتي للبهاذيل
أنا تراني صار عندي توهم
بذات لأمنه غشا صبحك الليل
أضرب عناي اللي حصل منك وقسم
تطلع نتيجة حبنا ويل في ويل
لاتصبح أمطالب في قضية ومتهم
تشبه قضية ذبح قابيل هابيل
هذا وترا اللي خافي فيني أعظم
مفتون فيك ومغرم فيك بالحيل
لجلك تراني صرت شاعر وملهم
من كثر ماغنيت فيك المواويل