التايه اللي تاه في سرمد الليل
أمانتك يا نجم بالوصف هب لي
ابتقدى واخذ الوقت واميل
للعزلة اللي من زمن تنتصب لي
مملي شقى والضيق زوّد بي الويل
ما شفت نجمه باللقى تنجذب لي
مرو طواريش العرب في تساهيل
وأنا المتاهة في دهاليز سُبلي
سكة سفر هدت من آمالي الحيل
ما ظنتي مرّت على إنسان قبلي
في صومعة فكري شعور ومواويل
أخبار في دير السهر ترتقب لي
هم سابقين العهد الأول وهالجيل
بأسبابهم أصبحت بالحيل مبلي
أتوه في ليل الدجى دون قنديل
ديجوري الكامت سدل وانسكب لي
لو جُب حظي بين فرصه وتأويل
يمكن يبين.. النور.. وأمد حبلي
بس ارتقب لي لا تزيد البهاذيل
لو مرةٍ وحده تجمل وطب لي..