كم قلت لك ما ضاقت دروب المدى
يا مهجس الدنيا لها باب ودرجْ
أنت الرعد وأنت الدوي وأنت الصدى
لا تستمع للي على ديمك هَرَجْ
دنياك لو قصَّر معك حبل الجدى
لو غامتك لا تشتكي منها حَرَجْ
ما دام مشيك بالتروي والهدى
إن ضامتك لا بد ما تلقى خَرَجْ
لا تحسب إنه ضايعٍ جهدك سُدى
كم واحدٍ بعد الغمم جاله فَرَجْ
كم واحدٍ شاف السعد نوره بدى
من بعد ما فكره بها داج ومَرَجْ
رغم المكاشح والمنافس والعدى
صار لجديد خيولها عنده زَرَجْ