وحدي شعلت الليل ياعمري الجاي..
نويت أرتب مابقى.. وأستقله
ماعاد باقي للأماني.. معي راي..
ولا عاد باقي.. بالغصن كود ظله!
وقتٍ.. يسريني على غير مشهاي..
أيامي خطاي.. وعجزت أستدله،
ياميلة عقالي.. لو الحظ رساي..
ماقلدك حظي.. وميل لك الله
لا شك.. ما بالحظ بصرة ل منصاي..
يقطعك.. ياحظٍ عمى عن هلٍ له
ويقطع خويٍ.. ماتثنى ل شرواي..
ويقطعك يانفسٍ.. رضت بالمذله
ياكم صديقٍ.. طاح جيتة من أقصاي..
في ضيقتي.. طاحوا من العين شله
لو العتب.. يثمر حيا جيت رواي..
مير الحياء.. ب وجيههم مات كله
ماعاد يمديني.. على كثرة بكاي..
هالدمع مدري طاح وش له.، ومن له،
ولا عاد ياخذني.. من همومي الناي..
ولاعاد يجذبني من الورد فُله
يا ليل.. كيف أطرب.. وأنا الحزن مغناي..
والنوم.. ضايق في عيوني محله!