قالوا لي وفيها إيه هيا
زيادة عن بنات حوا
يخليك مش شايف غيرها
وبتغني لها ميت غنوة؟!
فقلت دي رزق أيامي
ما يوصف حسنها كلامي
حلاوة الطبع دي أرزاق
بيوهبها كريم رزاق
وده فرق أما تهوى العين
وفرق القلب لو يهوى
قالوا لي وفيها إيه هيا
زيادة عن بنات حوا
يخليك مش شايف غيرها
وبتغني لها ميت غنوة؟!
ده مهما أشوف جمال في الكون
جمالها هيا قدامي
وقبل ما أشوفها كنت بشوف
خيالها ف كل أحلامي
جميلة أيوا من بره
وجمالها الأحلى من جوا
قالوا لي وفيها إيه هيا
زيادة عن بنات حوا
يخليك مش شايف غيرها
وبتغني لها ميت غنوة؟!
جمال الناس ف معادنها
لا أشكالها ولا القوة
ودي معدنها من ألماس
حباها ربي بالإحساس
وألّف روحنا وقلوبنا
فسبحانه اسألوه هو..