سنه اليا تعدينا نقول السلام
مير واجب يرد القول من يسمعه
الكبر ديدن الي عجز دون المرام
ولا تحاقر زحول القوم غير امعه
ولا هي بكل غضبه تستحق الحسام
نوب من بعد صبرك تاتي المنفعه
وقبل هزل الكلام وقبل فحش الكلام
الصمت عند التخاصم خير ماتصنعه
ومن يشوف التغابي ذل والا انهزام
صعب في بيت ابو تمام راح اقنعه
من تغابى ساد قومه وعداه الملام
والوضيع العفو يصعب عليه ويوجعه
ودنا مايصير البغض والانقسام
حبل الاقراب مايرجع لو بنقطعه
ولازم انك تفرق بين حل وحرام
مايصير انك تعيش الامور بسعه