لِيت صنعا غيم ماطِر يا سحاب
والظلام اللّي سكَن صدري يزول
أنّ قلبي يا هوى صنعا وذاب
والمشاعِر كُلها لِه والفصول
اختلفنا كِيف نعشَق يا رباب
يا لصنعا جوّها يسبي العقول
صدقينِي صارحينِي لا عتاب
مدمعِي يروي رُباها والسهول
كان بعد الليل بلغنِي جواب
والثواني في انتظاره كم تطول
الحقيقة صدقِيني في الكتاب
اقرأينِي لا حسُود ولا عذول
شَب قلبِي يا هوى صنعا وشاب
يا بنات الفِكر لِي قلبٍ خجول
أبعدوا عنَّا تمادوا في الغياب
لا وصَل مرسال منِّه أو رسول
يا زمانِي أضنيتني بعد الشباب
عاد قلبِي بعدما غابوا ملول
بالحنَايا يا فؤادِي والسَّراب
بعدما غادر ترَك بعض الفلول
لِيت قلبِي زارَها صنعا وطاب
لِيت قلبِي ما عرَف بعده ذبول
لو قدَر قلبِي رجع عنها وتاب
لو قدَر ما كان أضنَاه الفضول