أنا إنسان مع نفسي قبل لا أكون معك إنسان
لي مبدا ولي نظره وتحكمني قناعاتي
أحاسيسي حقيقه ثابته بالوصل والهجران
أنا طبعي الى حبيت احب بكل حالاتي
منادي والنداء نابع من الوجدان للوجدان
إذا ما ينطق إحساسي حديثي يشبه اسكاتي
ولا أجامل بحاسيسي ولا اقبل بالهوى إحسان
ولا للمصلحه يا سيدي دور بعلاقاتي
احب الصدق واعمل به كسبت أو كنت أنا الخسران
لو صدقي يخسرني تشرفني خساراتي
ولو ينسى زماني ما نسيت الشوق والخلان
رفيق العمر لو يقسى معاناته معاناتي
هلا بك يا اصدق شعور دخل قلبي بلا استئذان
هلا بك يالنصيب اللي نثر وجهه على أوقاتي