للقصيد احيان احس اني سوات اللاجي
فيه امان لخافق ٍ صلف الزمان يلوعه
اشعر ان الشعر في بعض الظروف علاجي
ب الأخص ليا اعترض لي فاتن ٍ دلوعه
في هوى اللي تذبح العشاق بان خلاجي
و المحبه بالسلوم وديننا مشروعه
اشهد اني للمواصل في غرامك راجي
في هوى اللي نادر ٍ شكله ونادر نوعه
سيدة ذات الحسن والمبسم الوهاجي
شاعرك من شدة اشواقه تزايد جوعه
ادري انك عن بنات الكون برجك عاجي
وادري انك فتنة ً تمشي و زين و روعه