يا كثر الزين في لندن … وفي لندن يا كثر الشين
وأنا ما جيت أدور ذا ولا ذا يوم أنا أجيها
أنا أجيها سياحة واستفيد بخوّة الذربين
ولولا جوّها والله مالي حاجةٍ فيها
دلّ الزين ودياره وراي بديرة الغالين
ديارٍ لو يشح بْها المطر خضرٍ مراعيها
وفاه مقيّد شوفي وأنا وافي ومن وافين
وغلاه يعنّ روحي لا تلفت صوب داعيها
يباريني خياله وأستحي منه وأصد العين
أداري خاطره وأصد عيني عن مشاهيها
مثل ما برقعوا طير الهداد الحرّ والشاهين
أنا برقعت قلبي والمحبّة سجن راعيها