هو القطار عنا غر يب

هُوَّ القطارْ عنّا غر يبْ

علشانْ بِيهْرِسْ في البشرْ

هُوَّ القطارْ لهْ قلبْ حاسِسْ أو بصرْ

لِهْ يا حديد تِهْرِسْ قلوبنا والثمرْ

ردّ القطار وبصوت يزلزلْ في الحجرْ

أنا من زمانْ باعتْ حذرْ

كلِّ البلاد اطّورتْ

وبلدنا عايشه في الحفرْ

أطفال غلابه هزّهم

غلطة غفرْ

في المزلقان فتحِ الجبان

فتحة خطرْ

وصل القطار والموت ينادي على القمر

عندي الخبرْ

يلاّ حبيبي للسّفرْ

أجلك خلاص وقته حضرْ

ردّ القمر

عايز أعيشْ وآكل أريشْ

وأكون رئيسْ أمحُو الخطرْ

علشان يعيش ابن الصعيدْ

وابن العريشْ وابن الحضرْ

عيشة بشرْ

والقطر يبكي على الشهيدْ

ستين ولد بين العروسه والعريسْ

القطر خلّاهم هريسْ

بين الحديد متبعترين

فيهم شهيد فيهم حبيسْ

بين الحديد بين الصفيحْ

الدّم منهم صار هويس

سالتْ بحورْ فوق القضيبْ

فوق التّراب فوق النّفيسْ

تروي الثيابْ مثل المطرْ

والجسم منهم صار قِطَعْ

يا رب لطفك بالعبيدْ

وامّ الشهيدْ

والقطر يبكي على الشهيدْ

والكل قاعد ينتظرْ

فِيهْ ناس بتلعنْ في الرئيسْ

والبثّ تاجِرْ بالخبرْ

فين الرئيسْ يحمي العريسْ

هوَّ الرئيس ..غلطان كبيرْ

ترك المحطه للغفيرْ

علشان يعديله البقرْ

والقطر يبكي على الشهيدْ

هوالرئيس .. غلطان أوي

علشان سايبهم بالقوي

في جحور حفرْها المفتري

والقطر يبكي على الشهيدْ

بطّلْ يا ريّسْ طبطبه

ملينا من طيبتك كده

الشعب عايزك بالنّفوس

تخرص حناجر كل سوسْ

تِمحي وتدْفن كلّ روسْ

اللي بِتشْرب دمّنا

واللي بتنهب زرعنا

واللي بتفسد فكرنا

واللي تحارب شرعنا

والقطر يبكي على الشهيدْ

نضف بلدنا من عميل

أو من هجين خانوا الوطن

نضف بلدنا من غفير أو من لوا

ذلّوا البشر

نضف بلدنا من طبيبْ

أو من وزير مالهم أثرْ

عايزين نعيشْ

بالحزم والعدل الكبيرْ

وان كنت مش عارف تديرْ

غيرك كتير مستنّيينْ

حكم الأحدْ

والقطر يبكي على الشهيدْ