أشتاق لك وكلمك كل ما أشتاق
عنك الثواني كنها شهور وسنين
عليك قلبي من ضنا الشوق خفاق
أبيك لكن وين دارك وأنا وين
أي والله أحبك وحبك فا الأعماق
وقصايدي بك للمفارق عناوين
في حضن عيني صورتك كل ما راق
طيفٍ يجيبك من خفا الروح للعين
طيفك يونس وحشتي كل ما ضاق
صدري من الفرقا وبعد المحبين
لو أقدر اسيطر على حر الأشواق
ما قلت أحبك عند الأقصى والأدنين
أحب فيك الأصل مع حسن الاخلاق
وأحب فيك العطف والستر والزين
والسكرة اللي من لما خمر الأرياق
أسرار حبٍ خالدٍ بين روحين