على دلعونا غابوا الحبايب
من يوم ما غابوا الفرح غايب
سهم فراقهم ف القلب صايب
يا خوفى يا قلبى يكونوا نسيونا
على دلعونا وسوريا أميرة
غزتنا أبدا ما تكون أسيرة
قلوبنا فيها وعيون بصيرة
بتحبك قلوبنا قبل العيونا
على دلعونا راجعين يا ضفه
حتى لو كانت قلوبنا نازفة
يا أهل غزة بلادنا عازفة
لحن العودة وتمشى السفينة
على دلعونا جايين حداكم
حنحارب صهيونا ونكون معاكم
ونطهر أراضينا ونكون فداكم
وهنفضل ليكم مادين أيدينا
على دلعونا وشعبى صامد
عرب ما جونا وقلوب جلامد
يا غزة نفديك بايد وساعد
وهنفضل ليكى مادين ايدينا
على دلعونا والعين عليكو
يا فلسطينيه ايدنا ف ايديكو
أرض العروبة تتحرر بيكو
ونبارك ليكو النصر ولينا
على دلعونا والحق غالب
واللى نسيونا والعدل غايب
مهما سابونا والظلم صايب
الرب لينا وحنون علينا
على دلعونا وجداركو العازل
مهدود عليكو وتنزل نوازل
هنحرر بلادنا ولم نتنازل
وف مسجدنا الأقصى راح تلاقونا
على دلعونا وحكامنا باعوا
تاريخنا كله وشعوبنا جاعوا
والشعب وحده بيخوض صراعو
وقفوا معاهم وليهم سابونا
على دلعونا والجرح رايح
واللى قتلونا بشار وصالح
واللى نسيونا عشان المصالح
جامعتنا العربية جارت علينا
على دلعونا والثورة غايه
واللى قتلونا هم الضحايا
والأمة ضاعت ومش كفاية
عايزينا نسكت ونقول آمينا
على دلعونا والأمة ماتت
ودماء أطفالنا ع السكة باتت
واللى بيحكمنا تمللى ساكت
فى رابعة وف خان شيخونا