عندي سؤال عاوز اسأله
الظلم ليه نتحمله؟
نضحك في وش اللي ظلم
واللي انظلم نستغفله
ونهدي فيه ونعقّله
الظلم ليه نتحمله؟؟
الظلم.. إن اللي ظلم
يظلم ولا يسمعشي صوت
والظلم.. إن اللي انظلم
يسكت ويرضى بالسكوت
واللي يشوف ظالم ظلم
ومايمنعوش لو فيها موت
بيشاركه في اللي بيعمله
والظلم ليه نتحمله؟؟
الظلم.. ربّك حرّمه
حتى على نفسه كمان
واللي بظلمه يبتدي
البادي أظلم في الميزان
أصل الميزان فيه الأمان
والمولى قال وضع الميزان
يبقى احنا ليه بنميّله؟
والظلم ليه نتحمله؟؟