يمر الوقت والدنيا تقلّب بين الاحوالي
ألم مع ضيم مع فتنة مع حروبٍ تغطيها
واذا برّقت ماتلقى سوى ويلات الاهوالي
سرى فيها القتل والجوع من أولها لتاليها
وتبقى بلادي بنعمة حباها رب متعالي
بشعبٍ خيرٍ امن بروحه دوم يفديها
بخدّام البيوت الله بأسرة قدرها عالي
تلاحم شعبها معها وهي منهم وهم فيها
حباها بالفهد حامي حماها ارخص الغالي
وعمّت أرضنا النهضة من اقصاها لدانيها
عطاها روحه وعدى بفعله كل الاقوالي
سكن حبه قلوب الناس حاضرها وماضيها
ألا ياسيد العرضة نحبك مابها جدالي
سكن حبك قلوب الناس حاضرها وماضيها
ابو متعب سليل المجد عريب الجد والخالي
ولد عبدالعزيز اللي بنا وارسى مباديها
ترد الحق لهل الحق تزايم ثقل الاحمالي
تداوي الجرح لايدمى جروح اعداك تدميها
يجي ناصيك في ضيقة ويقفي غانمٍ سالي
تفرج كربة المظلوم وعين الظلم تعميها
فتحت ابوابك وقلبك ومن جا يلقى الاقبالي
ويلقى الطيب والشيمة ونخوة من يباريها
غدى الكرسي وسعة صدرك وحلمك مضرب امثالي
طفل او شاب او شايب مطالبهم تلبيها
تقعّدهم وتسمعهم من أولهم إلى التالي
ولا تغضب ولا تضجر ولا يخفاك خافيها
نحبك ياولي العهد عضيد الفهد ياغالي
نحبك كثر مامرت على الدنيا ثوانيها