نشوء ، وتنبت احداقي هنا .. لكن على فكرة
وحيد وكل م اتشكّل عشان الحلم يحيا بي
أحيّي بي يحيك ايدي دعاء، وأقتطف صبره
يرتبني على صبح الصلاة وأنسج احبابي
كفيف وشارع اقداري يخبي لي كذا حفرة
نظيف اوسخ من الفقر اللعين وديمة اهدابي
صريح اكذب من اخوان الظلام وثرثرة بكره
صغير اكبر من اعباء الصدور وقلة اصحابي
قصير اطول من آمال السقوف ومرمر القمرة
عميق اطيب من اصفاد الغياب وأزأزة بابي
أعرف اكره ولكن ليش احب الناس لجْل اكره
مدام انّي مدين بضحكتي للرخو ف اعصابي
تهجا بي إذا ممكن !! عتيم .. ودمعة الحسرة
ولكن تكفا لا تنشر غسيل الوان جلبابي
تعال اجلس تأمل وجهي المنحوت بالسُمرة
خذ الكرسي هذاك اقرب تشرّب ثم تمدرا بي
كئيب الصبح لو شفته بعيني مشتعل فجره
بخيل الضحك لو ذقته تعالى واطلق اسرابي
لاني من سجنت البرد كفين التعب مُكره
خذلت الريش واحساس الفرو حتى تمركى بي
قليل اللي يمروني قروني واشي العبرة
وعينك ما تشوف الّا سراب الياس يلها بي
حبيبي والوله نوتة كمان وعازفك صدره
تزرر بالهموم اشهر، وغرّب راحة اعصابي
حبيبي به أمل؟! وإلا كُتبت احيا على عطره
أشمّه من بعيد ، ولا تَعلّق في رجا ثيابي
معك ممكن تخليني وتستحوذ على النظرة
تمعن تيه يدّينك إذا حبّيت ترقابي
سخيف الشعر لو يعني بقوله وانت م تبرّه
تعال اقرا عشان الحلم يتنامى ويحيا بي