اهديت لك من صافي الودّ تذكار
وأهديت لي يا قوّ قلبك خناجر
كنت أحْسب انّك تمزج الورد بأزهار
وطلعت بقلوب المخاليق تاجر
وش صار في دنيا المُحبّين وش صار
بأهاجر ان كان الوفا اليوم هاجر
الصدق يشبه بالنقى غيم الأمطار
والكذب يشبه بالعَتَم قلب فاجر
ما اقول جسمي من غثا الوقت منهار
ولا اقول دمعي ممتلي بالمحاجر
عزمي كما سيفٍ على الندّ بتّار
وقناعتي تسوى الذهب والمتاجر
لكن سؤال بداخلي يوقد النار
ضمن أسئله قامت بصدري تشاجر
ليه القلوب من الوفا صارن قفار
دام الكلام العذب فنّ الحناجر
ابغى الإجابه.. وأترك النار تندار
توالفوا قلبي وطعن الخناجر