وإن جف صوتي..
يعني لو فعلاً فرضنا. وجف صوتي.!
وش بقى لك تسمعين؟!
بِ أي طعم تكون أحبك؟!
إن بغيت أوقظ سكوتي..
وأتنفس في خيالك... حيل صوتي.!
وقلت: أأأأأح
قلتي: بك
وأرتِبكت أكثر، ولا صحصح سكوتي..
ما تموتي؟!
لو نده غيري.. لغيرك صدفه اسمك..
وألتفتي..
وما هو صوتي..
ولا حديث الصُبح في بهو الظلام..
ولا سنونو..
طيّرته الريح حلّق. والسلام.!
وأنتِ تبغيني أنام؟!
إيه نام..
طيب وصوتي؟!
يا حبيبي ما به شي، ي الله نام..
لا ما أبي والله أنام. أنتِ نامي..
حتى أنا ما رح أنام، وأترك. أحلامي معاك..
من يغني لي إذا جاني الغمام.. ولا لقاك؟!
ما لقاني؟!
إلا لقاني. مره في غيابك، وجاك.!
طيب خلاص..
أنفخي ف صدري..
وطفي لي عيوني، وأسدلي الليلة وراك..