يا راكب عشرٍ من الهارباتِ
ماوقفوهن في المبيعه للأثمان
أسمان من خام الزمان لقوات
أسداد ما شافوا لهن طلع نيبان
عن الجمل شمل ومعفيات
رمل التويبع ما تلاهن حيران
عامين يرعن الحيا مهملات
لين أرتكب ني الحم فوق الأمتان
حرايرٍ أصل جدودهن كاملات
لهن في غربي شفاء نجد مسكان
هلهن شراراتن عليهم جنات
طلبهم الحاكم وجنه بكرهان
هايوم ربي جابهن يا عزات
شيلوا عليهن ضارب الدرب مشتان
لا عندكم خيفه ولا ...ونات
وحطو سدير أيمين من غير حقران
والعصر بالصمان عدل المشات
تلقى لعلوي به طوارف وفرقان
واليا نطحكم واحدٍ للمبات
قولوا نعديهن على بن زريبان
رد الكلام بكاغدٍ من دوات
على ذوي ناصر وخصوه فيحان
أهل بيوتن في القساء بينات
يرما بهن أذناب حيلن من الضان
ندوه بأثر ندوه يجون سبحات
ولا يتفهق إلا من أحترى السور شبعان
والراويه(1) تدهن الفارغات
والبيت باكف مقدمه دثر الأيمان
ومنارتن كنه نثيلة هبات
ونارٍ سناها مثل صبحن اليا بان
ومركى دلالن نجرهن ما يبات
ومحماستن دايم على النار حميان
من البن يصفق به ثلاث غرزات
ينسف على المبراد والكيس مليان
وان وفرغت الطبخه اليا ذيك تاتي
وانزاح مجلسهن عليهن بشفقان
ثم انشدوا فيحان ستر البنات
اليا فرعن أو طار عنهن الأيقان
جاني خبر ياحامي الجاذيات
عما جرالك في الموده من الشان
البكره العفراء الشناح الفتات
اللي غدتلك بين راحل وقطان
دورتها بمقومين الصلات
وأتعبتني ما بين بدونٍ وحضران
وقالوا تراها مع فريق عطوات
ولا قاع شيفت مع ورودن لكرزان
ها ثم جاني من رفيقي وصات
قالوا ترا لها مع الهيضل الوان
وأثر الطروش علومهم بايهات
الله لا يجزي بعضهم بالإحسان
ها ثم جاني رد علمن ثبات
رديت علم وجاني العلم وكدان
قال البشاير قلت له حاصلات
لا شك ما شين على غير برهان
وصفلي البكره عن الواهمات
قال أحترف ما جيت بعلوم سفهان
يرعونها علوى هل الطايلات
ربعن اليا ركبوا على الخيل فرسان
مركاضهم تشبعبه الحايمات
الشاهد الله يوم زوغات الأذهان
بانت وراعيها أبن قاعد زنات
عندك خبر علوى بدايد وسلفان
ولا عاد لي فيها من الواردات
حضري وهم على الحق عيان