صاح بزقر لمنادي
بخطوفه يوم السفن بتشل
غمس على لفوادي
بالكوفه ولا وادعه بالحل
وين اقمري لمجادي
ما اشوفه لي نوره معتزل
لي مسقني ودادي
بكفوفه عله عقب النهل
اللي قبل متبادي
لا حوفه إن ميحن لقذل
هو جاعد الأنهادي
لي شوفه ينماز ويعتزل
لو لي وجف لمعادي
بسيوفه عن الوصل بوصل
بو خمص جلادي
مسفوفه عينه هدبها امضل
تلحج حالك نفادي
ما صوفه العين من تشهل
عيني وسط السوادي
مشحوفه آنس منها ويل
غش البصير العادي
عن شوفه والعاجل ما يجهل
يا من بلي بايهادي
في يوفه عوق ما هب سهل
شابك على لفوادي
بطروفه ما خلى لي مهل
في ظني واحتيادي
ما طوفه هذا الشهر لي هل
قم دن يا قصادي
مكلوفه ما عرضت للجمل
قبا نفياً عضادي
بالطوفه هات ابها واعتيل
وان ييت في لبلادي
بتشوفه دعج العيان الثل
هو منتهى لمرادي
للوفه فرض وغيره نفل