بي من سبع وناتي..غنن لي
بغنى حمام الدوح
يوازي رتعاتي.. حطن لي
عوق خشن ف الروح
فيهن فزرا قطاةِ.. جتل لي
مثل المهاة اتلوح
طرف انظري ما باتي.. ينهلي
فوق اخدودي سفوح
شفني عقب المقاتي.. معتلي
ومن الهير مصروح
يا فاهم لهيواتي.. افطن لي
يا شيخ يا ممدوح
كم صبحت غاراتي.. في الحلي
يوم العباد اطيوح
كم وازيت اخطفاتي.. بالشلي
يوم السفين اطروح
زدت اليوش اغمراتي.. وآملي
شروى سفينة نوح
غصت الهوى ما ياتي.. وآعلِّي
في محمل مسطوح
وين اتهايف حصاتي.. وآولي
في لج ما له ضوح
غمج فيه اوهقاتي.. يخوا لي
دونه تلايف روح
واضرب على الداناتي.. وآغلي
والمشتري مربوح
واسكر سبع ساعاتي.. ما اشلي
راسي وانا مسدوح
واللي غطس ف مشاتي.. في الدلي
يلقى العلم مكشوح
حي ابمير الشراتي.. لمجلي
صلب وبات اينوح
ياب اطياب انفحاتي.. ودوا لي
مسك وزباد ايفوح
يا شيخي يا شفاتي.. يا ظلي
خذ لك حكي منصوح
خط اقلم بدواتي.. بيد لي
في دفتر مشروح
تختمها بالصلاتي. تنهلي
عدد وبل سفوح