ما يجحد المعروف والفضل والطيب
يكون من يحمل عروق النذالة
النذل لو تعطيه فوق المواجيب
ومهما تسوي له وتستر خماله
يقلب وتظهر فيه كل العذاريب
وعن علوم الطيب تقصر حباله
ولو تظله عن سموم اللواهيب
وتعلمه سلم الوفاء والرجاله
لا بدّ ما يرجع على طبعه العيب
لجل أن فعل الطيب ماهو مجاله
الله كم رجلٍ كسى راسه الشيب
ولازال تايه في عماه وظلاله
ولا كسب من طول عمره تجاريب
وإذا ذكر قالوا: عسى السود فاله