سلام ياصل للرجال المناعير
والله يسعدكم ويسعد مساكم
والله يجمعكم بصحة وفي خير
ويديم فرحتكم على مبتغاكم
يالطيبين أهل الوجوه المسافير
الله يبسطكم ويكثر هناكم
قروبنا قروب حشمة وتقدير
شعار قدوة عالياً مستواكم
والمنشدين الأوفياء المشاهير
عانقتم نجوم السماء في سماكم
واليوم ثاني العيد وأعيادنا غير
في دولة التوحيد ما حدٍ كماكم
شوفوا حجيج البيت لبّوا طوابير
بحماية الله الولي ثم حماكم
عاش الملك سلمان غوث المعاسير
أنشهد أنه ليث غابه وحاكم
وولي عهده بالقدم واصل السير
رؤية ومستقبل تحقق مناكم
واذا سمعتم مرجفين التقارير
قولوا لهم يالهيس روحوا وراكم
مكه وطيبه تشهد الصبح وعصير
أن كان صفع كفوفنا ما كفاكم
حنا ولانا ما يجي فيه تغيير
وأنتم مع الدولار يمشي ولاكم