مما تشوف العين ودي أتكلم

مما تشوف العين ودي أتكلمّ

وأحيان ما أبغي لا تكلّم ولا أقول

وأكذّب الواقع وأقول أتحلّمّ

وأشك في عقلي يكن صار مهبول

يا حظّ شخصٍ طول عمره مبلمّ

ما همّه إلا حبّة الخبز والفول

وإبليس في تالي زمنّات ولَمّ

يحشد جيوش ويعزف ألحان وطبول

يا من تشوف الوضع غادي مظلّمّ

كبّ البشر مادام ما انته بمسؤول

تقبّل الواقع وسالم وسلّم

لا تعكس التيّار خلّك على طول

الناس ما طاعوا رسولٍ معلّمّ

اللي من الباري مؤيّد ومرسول