نصحنا الغشيم وليتنا مانصحناه
اثارالغشيم اخذ النصيحه عداوه
نبي نرفعه ونعزّ شوره ومبناه
لكن الغبي تغلب عليه الغباوه
وطيحته من فكره ومن فعل يمناه
يغمضّ وياكل لقمته بالهداوه
بليد ومكابر يحسب الناس تخشاه
يضن المراره مثل طعم الحلاوه
على طاعة الله ربنا نطلب رضاه
ولاهمنا لو ينبحون الجراوه
زمان العجايب مابقى شي ما ابداه
صلاب الحيود اليوم فيها طراوه
ومن لا يحسّب مصدره قبل ممشاه
يعضّ اصبعه لو كان فيها نداوه