باح الكنين اللي كشف ذيك العيِوب
في ليلةً ثارت جروحي دونها
جتني شياطين الشعر من كل صوب
من بعدها فكري نظم مخزونها
حال الفراق اهيام من ذيك الدروب
يذبح ترا ليلى بحب اجنونها
ياغايبه أمْن الشمال الي الجنوب
وانا على وتْر الحزن ولحونها
ياملهمة فكري ليا هبّ الهبوب
انتي تفاصيل الشعر وفنونها
قلبي على طرْد الوصل لامايتوب
يمشي على نهج المحبه ولونها
وانتي ثقافة نادره بين الشعوب
بذرة غلا وهايم بها مفتونها
وخطواتك اللي كنها الريْم اللعوب
من خفّها يثقل علي موزونها
دخلت لعيونك متاهات وحروب
وسقي عروقي من يباس اغصونها