أنا ليا فيكي ضحكة كنت رسمتها
بمحبتك
وانتي اللي كنتي بتضحكي
وأنا روحي فيها ضحكتك
طب ممكن اسأل عنها؟
لو هتقوليلي روحك أنت ف دنيتي
زي الخيال
هنكر وأقول مش دا السؤال
أنا بسألك عن ضحكتك...
ممكن أنول حبة جمال؟
من فمك المنسوج بعنابي
واستقبل الأفراح على بابي
لحظة ما تشبك لهفتي
عسل الشفايف يا قمر
يحلو بيها الليل وأعيش
وياكِ ما
غيرك مفيش
حتى لو الشهد بهواه
جالي بيوهبلي ف مناه
مش ممكن اقبل بالعسل
وأنا جنبي حتة من السما
ولا ممكن اسهر والسهر
مش جنب منك يا قمر
ولا ممكن اكتب ف الورق
كلمة تكون غيرك قليل
ولا ممكن اخرج واتسرق
غير من عيونك مستحيل
ولا ممكن اصبح وابتسم
من غير هواك يا طيف جميل
أو مرة قلبي يدق يوم
ويشوف لغيرك لو
سبيل
حلو الغرام والله معاك
يلا تعالا اشتاقت ليك
حبيت أوي إحساس هواك
وكتير يا روحي حلمت بيك
وندهت لك وانت هناك
وانت هنا ضميت عنيك
ووهبت لك عمري فداك
وهديت كلامي كله ليك
أشتاق إليك
انده عليك
امضي الساعات قدام عينيك
تمضي الساعات أيام كتير
واصبح وأعيش
نفس المصير
باقي اللقا
باقي اللقا
والله روحي معلقة
والدنيا بيك متعلقة
وشربت صبري بالشجن
باقي عينيك
لمسة أيديك
نظرة غرام
تظهر عليك
وعيوني يملاها الفرح
يملاها شوق كل السنين
الصمت يلزم قربنا
والحضن يفتح قلبنا
والصبر يخلص ف الغنا
والحب كله يكون إليك
مستني أيه...
ما تجيب إيديك