يا غض يا ترف الشباب

يا غِض يا تَرف الشبابِ

يا بو ثنايا ذِبَّل اعْذابْ

يا حبيّبي عالي الجنابِ

يا مِنْ سكن فِيْ لِب لالباب

يا بو يديل ورِدْف نابي

يا غِر يا منسوع لارقاب

ليتك دريت ابَّعض ما بِيْ

مِ الوَجد والليعات واعذاب

شوق وهوى وِدّك سها بِيْ

عَنْ كِلّ خِلّ ووِدّ واحباب

جميل ظنّي لَي سعى بِيْ

صوبك غناتي وافتح الباب

للوصل تجزى بالثوابِ

يا سيّد الزينين لانْياب

جرّب تعال اطفِ الْتهابي

نار البعاد بعذب لِرْضاب