تبكي عيوني وقلت الا سحقاً لباكيها
ليت المنايا تسبق ادموعي ولا ابكي
دنياي يا صاحٍ من اقصاها لدانيها
هو قد تجرعها وانا منه بديت اشكي
نفسه سرت في داخلي والنفس تفديها
لهف وغرام وعشق في شعري وهو يحكي
بايعته بروحي وقلبه صار راعيها
بيعه ابد ما زارها ظنٍ ولا شكي
زيّ المحبه هيبته واسمى معاليها
وصدق الخيانة غامضه في اسفل الفكي
يظهر بوردٍ ابيض وبالشر ناويها
قال السلام ومقصده سمٍ به وشوكي
تبكي عيوني وليت ربي دوم عاميها
هالعين اللي من سببها خافقي يبكي