أنساني يا حبن لفتني طروقه
سامحك ربي كيف قلبك بها باح
جيتك بروحن ميتن فيك شوقه
وانتي على نيت فراقي بصياح
زودت جرحن ما هدت بي حروقه
جرحن علاجه شوفتك صار نضّاح
ضاقت علي نفسي وقلبي خفوقه
محدن درابه والشعر دوم فضّاح
قلبي أنا حُبك سكن في عروقه
حالي سقيمه زادها الهم بوشاح
ماني أناني بس عاشق خلوقه
ما شفت بدرن يشبهك يا الحلو لاح
ياقلب نابض بالحنانن شفوقه
يا منبعن صافي وللطيب نفّاح
سامحك ربي كيف قلبك يطوقه
هذا الفراق اللي على الروح سفّاح
من سبتك ودي بموتن أذوقه
يا ليتني من قبل فرقاك ارتاح