هدي درتها بيديا
ولي ضربتو يدو ما يتالم
دارتها يا ناس عينيا
لمن نحكي ومعامن نتكلم
نظرة شعلت فيا نار
والزين ما جايب لي لخبار
مهموم وحالي محتار
طول ليلي ونهاري غادي ونخمم
ملي يشوفني تبان الفرحة فعينيه
يتكلم معاي كلام لي تايحشم
كل كلامي عليه يقول تنبغيه
يفهمو وايلا سخى معاي يتبسم
نظل نرجا طيفو ونظل نناجيه
نتسناه يطل ويتاصل او يتكلم
يواعد ويحلف بالزين لي فيه
ويتباعد ويخلف وغالب الظن يندم
انا بعدا ميت فيه ولي فيه
اما هو ما نعرف الله اعلم