لي ما جابتو محبة
ما يجيبو سيف
وخا تقلبلو على ميات سبة
وتوجد عليه بحال الضيف
بلا ما تحنن قلبو
بلا ما تتودد ليه
طبعو غلبو
ولي فيه شي راه فيه
لا تحاول تخليه وليف
يمكن غاريه المال
ولا يقلب على الزين لمكمول
اومسكون بلمحال
ويمكن بحوال الناس مشغول
ولا دايها فقيل وقال
وايلا جاتو وجبة ما يعرف ما يقول
وعندبال راسو عريف
لي ما جرب غرام
ما تكثر معاه كلام
عايش فعالم اوهام
وخا يكون كلامك عفيف