قَرَّبْنِي لْقَلْبَكْ
قَرَّبْنِي لْقَلْبَكْ
وَفْتَحْ لِي بَابُو
سَكَّنِّي فْجَنْبَكْ
بَاشْ نَفْتَحْ كْتَابُو
مَا كَافِيشْ نَظْرَةْ مَنْ لَعْيُونْ
بَاشْ نَعْرَفْ مَكْنُونْ الْقَلْبْ
عَبَّرْ بَلْسَانَكْ وَيْكُونْ لِّي يْكُونْ
غْرَامَكْ فَاقْ مَفْهُومْ الْحُبّْ
وْكُلّْهَا يْصَرَّفْ مَكْتَابُو
جَرَّبْ وْقُولْ مَا قَالَتْ الصُّوَرْ
وْخَلِّي لَكْلاَمْ يَدِّي وَيْجِيبْ
فَالأَوَّلْ وَالأَخِيرْ حْنَا بَشَرْ
قَدَرْ وْ مَكْتُوبْ قَسْمَة وَنْصِيبْ
وْكُلّْ سُؤَالْ لاَبُدَّ لِيهْ جْوَابُو