ليه أشوفك بالقصايد رغم أني لا بغيت
أوصفك في بيت واحد ه الفرايد ما تجيني
شاعر وحاضر قصيدي يعني لامن بس نويت
كل جزله قبل أنادي تنطرح قدام عيني
من محيط الشعر اغرف هالقصايد بيت بيت
وكل قافٍ لابغيته ادري انه هو يبيني
سامعك يا ذيب يا اللي صوتك البارح عويت
ياهي وديان ومخاطر حايله بينك وبيني
رغم هذا جيت لاني يعلم الله ماقويت
وانت.. تدري دونكم والله ما تقصر يديني
يا المرام اللايذ اللي ادفنه في وسط بيت
اطرقه بحر الطويل ونوب اعبّه بالهجيني
لافزعت افزع ما ادور شكر منّك والا صيت
الشكر لله وحده خالقي ربي عويني