ز: زوجي تزوج علي وجاب لي ضره
واصبحت من عقب رفع الرأس مكسورة
و : والله لآ جرجره جره ورى جره
وانسيه معها هنى فرحته وسُروره
ا: أقسم بأني على ماقُوله مْصِره
لايمكن أحيا بعد هالعمر مقهوره
ج : جمّعت له كيدْ وشرورٍ على شره
والبادي أظلم وكلن يبدع بْدوره
أ : أفسد حياتي وخلا عيشتي مُره
من حَر مابي كأني صرت مسحوره
ل : لقيت نفسي لخوض الحرب منجره
من غدر زوجي ومن ظُلمه ومن جوره
م : ما أذكر اني معه قصرت بالمره
أحفظه في غيبته واسعِده ف حضوره
س :سويت له كل شيْ يرضيه ويسُره
سلمت له كل أمري حسب دستوره
ي : يامر وينهى ويتدلل ويتشره
ماقد عصيته ولاشذيت عن شوره
ا : القاه ناكر جميلي ش الذي غره
وخلاه يِعرْس ويشعل بالحشا ثوره
ر : رفعت عنه الحصانه غصب مضطره
واللي بيجرح شعوري بجرح شعوره
ص :صبري نفذ ماتحمّل غُبنه وضُرُة
ونجمه أفل ثمْْ توارى وانطفى نوره
ا: الجرح غأير ومافيني من الحَره
كأنّها نار وسط الجوف مسعوره
ر : ربيت نفسي على : ماتنحني الحره
والحق لي : وان عليه أخطيت معذوره