ياناصح الناس ليتك تلتهم حالك
نصايحك لوعلى نفسك توفرّها
اشغلتنا ما يوقفّ صوت مرسالك
واغلب رسايلك عن غيرك تمررها
ياليت يفصل دقايق شحن جوالك
ولاّ تهوّن حكاويك وتقصرها
نجاملك وانت مايطري على بالك
غثيتنا واكثر اعلامك تكررها
من شافك يقول فالله ولا فالك
أن ماكسرت الخواطر ماتجبرها
والله يقلل في العالم من امثالك
ناسٍ تدوّر تلاقي من يناقرها
ماينعرف وين مخراجك ومداخلك
حتى الحواجز على دربك تطامرها